

‘முப்பாலின் முதல்வர்’ திருவள்ளுவரைப் பற்றிய பாடல் வெளியீடு’
குறள் கூடல் அறக்கட்டளை செம்மொழி அறக்கட்டளை அமெரிக்கா, திருக்குறளை மையப்படுத்தி தமிழ் மொழி ,கலை, கலாச்சாரம் என உலகெங்கிலும் உள்ள பல தமிழர்களை ஒருங்கிணைத்து தமிழ் மொழி சார்ந்த பல நிகழ்வுகளில் நடத்தி வருகிறது.
கடந்த மூன்று வருடங்களாக ‘குறளுக்கோர் ஓவியம்’ என்னும் உலகளாவிய போட்டிகள் நடத்தி பரிசுகள் வழங்கி அதன் மூலம் பலரையும் பயனடைய செய்யும் நிகழ்வுகளை செவ்வனே செய்து வருகிறது. இந்த அமைப்பு.
1330 திருக்குறளையும் எளிதாகக் கற்றுக் கொள்ளும் வகையில் வி.கே . கண்ணன் இசையமைப்பில், ஆதி கோபால் குரலில் பாடி, குறள் சூடி உமையாளின் விளக்க உறையுடன் நடனம் அமைப்புக்கு ஏற்றவாறு பாடல் வெளியீடு சென்னையில் நீதியரசர் மகாதேவன் மற்றும் வி.ஜி. சந்தோசம் தலைமையில் நடந்தது.
மாற்று ஊடக மையம் வேலம்மாள் உயர்நிலைப்பள்ளி முகப்பேர் சென்னை நடத்திய 12 ஆம் ஆண்டு வீதி விருது விழாவில் குறள் கூடல் அறக்கட்டளை, செம்மொழி அறக்கட்டளை அமெரிக்கா அமைப்பும் இணைந்து ‘முப்பாலின் முதல்வர்’ என்னும் தலைப்பில் திருவள்ளுவரைப் பற்றிய பாடல், வள்ளுவரை புகழ்ந்து நாடியம் நீலகண்டன் எழுத்தில், A.R. ரேஹானா இசையமைப்பில் ‘குறள் இசைநாயகன் ஆதி கோபால்’ குரலில் பாடி இந்த இசைத்தட்டை வெளியீடு செய்தது. இந்த பாடலில் பங்கேற்ற அனைவரையும் கௌவுரப்படுத்தி கேடயம் வழங்கப்பட்டது.
அதை தொடர்ந்து தமிழ்நாடு எங்கும் உள்ள கலை திறன் கொண்ட பாரம்பரிய கலைஞர்களை ஒன்றுபடுத்தி அவர்களின் திறமைகளை வெளிக்காட்டிய இந்த வீதி விருது விழாவில் இசை வெளியீட்டு நடத்தியதில் குறள் கூடல் செம்மொழி அறக்கட்டளை மிகவும் பெருமை அடைந்தது.
குறள் கூடல் அமைப்பின் தலைவர் மாலா கோபால், செயலாளர் ஆதி கோபால்,விழா ஒருங்கிணைப்பாளர் மீரா ஸ்ரீகாந்த் மற்றும் ஹூஸ்டன் மாநகரைச் சேர்ந்த காயத்ரி, ராமசாமி ஆகியோரும் கலந்து கொண்டனர்.
இந்த பாடலை பாடிய ஆதி கோபால் மேடையில் பார்வையாளர்களுக்காக பாட, இந்த பாடலுக்கு வினோத் நடன அமைப்பில் ஹேமா லதா ராமசாமி இதற்கு நடனம் என மிக அருமையாக அரங்கத்தில் நடைபெற, ரசிகர்களை வெகுவாக கவர்ந்தது. இந்த இசை குறள் கூட செம்மொழி பவுண்டேஷன் வலைதளத்தில் கேட்டு மகிழலாம். இதன் வீடியோ காட்சிகளை குறள் கூடல் யூட்யூப் சேனலில் நீங்கள் கண்டு மகிழலாம்.
https://youtu.be/IEjsZfNVRCc?si=ZkZyDgsz5sOuWCCO
மேலும் இந்த அமைப்பு குறளுக்கோர் ஓவியம் என்னும் நிகழ்வினால் உலகளாவிய போட்டிகளையும் நடத்தி அதில் சிறந்த ஓவியங்களுக்கு ரொக்க பரிசுகளை வழங்கி அந்த ஓவியங்கள் புத்தக வடிவில் வெளியீடு செய்யும் முயற்சி எடுத்துள்ளார்கள். சிறந்த ஓவியர்கள் இதில் கலந்து கொள்ளலாம் இதைப் பற்றி மேலும் விவரங்கள் அறிய குறள் கூடல் செம்மொழி பவுண்டேஷன்.org என்னும் இணைய தளத்தில் இணைந்திருங்கள்.
வள்ளுவன் புகழ் வாழ்வாங்கு வாழட்டும்!
— நமது செய்தியாளர் ஷீலா ரமணன்
Dinamalar ~ January 8th, 2025
Read more about the “Muppalin Mudhalvar” Release here!
https://news.ctvtamil.tv/news/15925
https://www.arasan.news/news/15925
https://www.facebook.com/share/15npTsdiev/?mibextid=wwXIfr











https://tamizhanseithigal.com/kuralukore-geetham/
செ.வ.இராமாநுசன்,
சான்றோர் கவனத்தைக் கவர்ந்த ‘குறளுக்கோர் கீதம்!’
அமெரிக்காவின் ‘குறள்கூடல் செம்மொழி அறக்கட்டளை’ சென்னையில் நேற்று மிகப் பெரிய அளவில் விழா ஒன்றினை நடத்தியது.
ஆம்! குறளுக்கோர் கீதம் என்கிற குறளிசைப் பேழை வெளியீட்டு விழா தான் அஃது.
செம்மொழி மாலா அமெரிக்க – ஹூஸ்டன் நகரில் மேற்காண் அறக்கட்டளையை அமைத்து அதன் மூலம் தமிழ்ப் பள்ளிக்கூடத்தையும் நடத்தி வருகின்றார்.
மருத்துவர் டி.கோபாலகிருஷ்ணன் அவர்கள் அமெரிக்காவிலேயே மருத்துவராகப் பணியாற்றி வருகின்றார்.
இவர்களது இளைய மகன் செல்வன் ஆதி கோபால் அவர்கள் அமெரிக்க நாட்டிலேயே இளங்கலை பட்ட வகுப்பில் மூன்றாம் ஆண்டு படித்து வருகின்றார்.
கூடுதலாக திருக்குறளின் 1330 திருக்குறளையும் 133 இசை அதிகாரங்களாகப் பாடி வடிவமைத்து உள்ளார். இசை வேந்தர் வி.கே.கண்ணன் அவர்கள் இசையமைத்து உள்ளார்.
‘எண்ணிய எண்ணியாங் கெய்துப எண்ணியர்
திண்ணிய ராகப் பெறின்’
என்ற குறளுக்கொப்ப செம்மொழி மாலா அவர்கள் எடுத்த முயற்சிகள் முழு வெற்றியைப் பெற்றன. ஆம்! சென்னை உயர்நீதிமன்றத்தின் நீதியரசர் மாண்புமிகு ஆர்.மகாதேவன் அவர்கள் குறளுக்கோர் கீதம் வெளியீட்டு விழாவிற்கு தலைமை தாங்கினார். கீதத்தை வெளியிட்டு சிறப்புரை ஆற்றி மகிழ்வித்தார்.
பேழையைப் பெற்றுக் கொண்ட, தமிழ்நாடு அரசின் திருவள்ளுவர் விருதாளர் தமிழ்த்திரு வி.ஜி.சந்தோசம் அவர்கள் பெருமையுரையை ஆற்றி மகிழ்வித்தார்.
மற்றும் எழுத்தாளர் தமிழ்த்திரு சோம.வீரப்பன், ஹார்வர்டு பல்கலைக்கழகத்தின் தமிழ் இருக்கை, இந்திய உறுப்பினர் முனைவர் ஆறுமுகம், முனைவர் ஆர்.பாண்டியராசன், பேராசிரியர் கவிதா இராஜசேகர் உள்ளிட்டோர் வாழ்த்துரை நல்கினர்.
ஏற்புரையை மாணவர் ஆதி கோபால் வழங்கினார். முன்னதாக, விழா தொடக்கத்தில் செம்மொழி மாலா கோபால் வரவேற்புரையை ஆற்றினார். நிகழ்வின் இறுதியில் மருத்துவர் டி.கோபாலகிருஷ்ணன் நன்றியுரையை வழங்கினார்.
நிகழ்வுகளை நற்றமிழ் செ.வ.இராமாநுசன் மற்றும் முனைவர் கவிதா இராஜசேகர் இருவரும் நெறிப்படுத்தினர்.
உலகத் தமிழர்களை இணைக்கும் திருக்குறள் போற்றத்தக்கது.
தாய்மை உணர்வுகளுடன் உலகெங்குமுள மாந்தர்களை ஆளும் திறனுடையத் திருக்குறள் வணங்கத்தக்கது.
திருக்குறள் ஒவ்வொன்றும் தீர்வுதரும் – தேடிப்
பெருக்குவோம் பேரின்பத் தேன்.
கட்டுரை ஆக்கம்: நற்றமிழ் செ.வ.இராமாநுசன்.
மகிழ்ச்சி!
நல்லதொரு பதிவுதனைத் தாய்த் தமிழ்நாட்டில் நிகழ்த்தி விட்டு, வெற்றிப் புன்னகையுடன் நாடு திரும்பும் தங்கத் தமிழ்ச்செல்வன் ஆதி கோபால் மற்றும் ஒளிர்கின்ற ஆதி என்னும் குத்துவிளக்குதனைத் தாங்கிப் பிடிக்கும் அன்னை மாலா கோபால் ஆகிய இருவருக்கும் நல்வாழ்த்துகள்!
நேற்று பெற்ற வெற்றியின் பெருமிதத்தைத் தொடருங்கள்! வாழ்க வளமுடன் பல்லாண்டு!